Veiz Gozcingh daj canloz gwnzde ngeixnaemj, cawjcieng guh Dava baenz daih’it aen camhfatdienh gaepmbaek haifat Dahraemxhoengz. Gyoengq boux cangzveij dangjveij ndaw gih cungj doengzeiq gij yigen de, hoeng ciuqyiengh iugouz aen cujiq dazyinx gviveh caiq bae guh lwnhcingq caenh’itbouh dem.

Doengzbi ndwen 11, youq Dahraemxhoengz doengruz ngoenz haenx, aen ranzbanhgoeng cujiq dazyinx yungh singhgiz ndeu bae guh baez gaujcaz saeddieg. Couh Gvanghcunh caeuq Vuz Cancih boux fucujyin Genveij Swcigih cungj camgya gvaq, lij miz bang lauxhangz dienhraemx dem. Gyoengqde youq Ngodanh naengh aen ruzfeiz saeq nyig dah hai hwnj bae, bouxboux cungj dawz aen giengouqseng, caemh daiq bae haujlai dang’an swhliu youq gwnz ruz, gunghawj gwnz loh cazyawj gak aen diegfai guh gaujcingq.

Couh Gvanghcunh daengj vunz gaujcaz Dahraemxhoengz le, lij bae diucaz le aen Camhfatdienh Ya’gyauz dieg youq donh dah gwnz Lungz- gyangh haenx. Aen camhfatdienh neix yienznaeuz gaenq dingzgoeng, geij cien boux minzgoeng gaenq sanq deuz, hoeng lij yaek ciuq gij fueng’anq faisang guh roengzbae, seizneix cingq gyoebcomz ligliengh caenh’itbouh raudamq deihcik、ra riz conghgamj、cazliengz gij doenghdaiq raemxlajdieg、guh gak cungj sawqniemh gijrin, yienghneix ndaej fuengbienh caij- yungh cosih hab’wngq. Mbangj vunz- caihhangz naeuz, deihcik Ya’gyauz fukcab, cij ndaej guh faidaemq, yienghneix fatdienh couh bienq noix lo. Gyoengqde giyen, wnggai senj gij doih caepguh、sezgi caeuq raudamq dienhraemx haenx bae Dahraemx- hoengz, youq baihde guh aen camhfatdienh hung, mboujnex couh nguh seizndei, vih saeq saet hung lo.

Ginggvaq saeddieg gaujcaz caeuq diucaz, Couh Gvanghcunh yiengq Dangjveij Swcigih daezok yigen Ya’gyauz roengzmax, Dava hwnjmax.

Gij cangzveij dangjveij nyinh- caen doxyaeng gij giyen de le, guh ok Dava hwnjmax aen gietdingh neix. Camhdienhraemx Ya’gyauz doeklaeng deng gaij baenz fueng’anq faidaemq, youz Digih Hozciz laebdaeb guh, gij yungzlieng canggih cij miz 8800 cienvax.

Youz Lungzgyangh cienjhoenx daengz Dahraemxhoengz, aenneix dwg aen diemjcienjvan dienhraemx hwngfat ndeu.

naeuz: “Raeuz gaej hawj gij raemx Dahraemxhoengz begbeg lae bae lo, raeuz yaek yiengq Dahraemxhoengz aeu dienh, gaijgez aen vwndiz Guengjsae yungh dienh.” Anh ngzswngh、Gyauz Siujgvangh、Cinz Yinggih、Liuz Cunggvei daengj vunz, cungj doengzeiq gij siengjfap Veiz Gozcingh, nyinhnaeuz gij vah de dwg gij gezcwz naemj ndaej gyae.

(caengz sat)