●Gaenh geij bi neix daeuj, Sanhgyangh Dungcuz Swciyen gyagiengz swnjcienz caeuq fatyiengz Caujmyauz vwnzva, cujciz laebbaenz le 40 lai aen doih’aenvenz、 30 lai aen doihvwnzyi ndaw- biengz, doenggvaq boq aenvenz、canghfwen Cauj- myauz doiqfwen、 diuq foux- caijdangz daengj fuengsik baijyienj minzcuz daegsaek, ciengqyiengj minzcuz doxgiet. Mizyauq doicaenh swnjcienz caeuq hwngfat Caujmyauz vwnzva.

(Gunj Yicungh)

●Bi’gvaq daengz seiz- neix, Fuconh Yauzcuz Swciyen linzyezgiz、 yen gunghsanghgiz daengj caeuq dangdieg dangjveij cwngfuj haeujlaeg daengz Sizgyah Yangh Cwngzsang Cunh haiguh hong cingcinj bang- coengh ranzgungzhoj, daj cienz、 cwngcwz bae haenq- rengz haeujcoengh, bang- coengh aen mbanj neix hwngfat ndaem faexyouzcaz. Dangqnaj, Cwngzsang Cunh gaenq hwngfat ndaem faex- youzcaz 1400 lai moux, gyalai souhaeuj duetgungz.

●Bi 2015, Laizbinh Si gizdieg minzcuz vunzlai sinh- nungzhoz canhhozliz daengz 99.07%, beij bi 2014 daez- sang 0.39 aen bakfaendiemj, sang gvaq 97% gij cijbyauh yinvu swcigih roengz haenx, vunzlai canhhoz yiengjsouh sinhnungzhoz cienz bangbouj daengz 205.16 fanh vunzbaez, daihdaej saedyienh gizdieg saujsu minzcuz sinhnungzhoz cienzbouh cwgoemq.

(Mungz Gyahho)

●Bi’gvaq, Lingzyinz Yen gyavaiq cienjbienq ginghci demgya fuengsik, gyalai doiq gencuzyez gam- guenj ligdoh, gyagiengz fug- saeh yisiz, daengx yienh gencuzyez hwngfat vaiq raix- caix. Ciuq cam rox, bi’gvaq daengx yienh gencuzyez cungjcanjciz miz 34406 fanh maenz, doengzbeij demgya 11.46%, vih “cibsam haj” gencuzyez swnghcanj bauj- maenh hwngfat haemq vaiq gya haeuj rengzhoengh moq.

（Vangz Yenzyungz Vangz Binh）