●Gaenh geij bi neix daeuj, Bingzgoj Yen hopheux vunzlai gungzhoj laisou muzbyauh, gaenxmaenx doihengz canjnieb bangcoengh cwngcwz, gyalai nungzyez canjnieb gezgou diuzcingj ligdoh, aeu nonsei、 laj ndoengfaex ciengx gaeq、 makit daengj guh cawjdauj canjnieb, giendingh guh ak “it yangh it yiengh” nungzyez canjnieb, haenqrengz hwngfat canjnieb ciengx ndaem miz daegsaek, cauxlaeb vunzlai gungzhoj laisou dohyenzva gwzgiz moq.

(Vuz Anhginh)

●Ngoenzgonq, Lungzswng Gak Cuz Swciyen minzcuz cungsim gvangj- cangz hong gaijguh gya’hung guhsat caemhcaiq cingqsik hainduj yungh. Aen gvangjcangz neix ciemqdieg 6391 bingzfuengmij, gungh bued cienz 8500 fanh maenz, faen baenz lajdieg caeuq gwnzdieg song bouhfaenh, vih siminz daezhawj aen seizhoengq hozdung ciengzdieg bienh minz leih minz he.

(Banh Cisiengz Vuz Cunhlingz)

●Gaenh geij bi neix daeuj, Cauhbingz Yen gyalai doiq canjbieb mak bangcoengh ligdoh, cungdenj dajcaux byauhcunjva baenzbenq mak- gamdiengz、 makit、 makbugdiengz daengj dajndaem swnghcanj sifan gihdi, doengzseiz sonyinx vunzlai dajcaux nungzgya guh’angq lijyouz gihdi aeu swnghdai ngonzyawj gingjsaek mbaetmbit guhcawj haenx, hawj “lajmbanj youzcet mbaetmak” baenz canjnieb youqgaenj bouxguhnaz laisou baenzfouq.

(Liuz Feih Hoz Mingz)

●Daj seveicujyi hwzsinh gyaciz- gvanh haeuj hagdangz hozdung haiguh daeuj, Cingsih Si yawjnaek senhconz gyauyuz、 sifan yinxlingx、 saedguh lienhbaenz doxcaez dungjyiz, gak cungh siuj hagdangz doenggvaq laebbaenz senhconzlanz、 banjbau、 doegsaw gyauyuz hozdung daengj fuengsik yinxlingx daengx si lauxsae hagseng gungganq caeuq hengzguh seveicujyi hwzsinh gyacizgvanh, hozdung haiguh lai cungj lai yiengh.

(Hij Cunghliuz)

●1 nyied 15 hauh， Lingzyinz Yen Minzsuz Lizsij Bozvuzgvanj hai gvanj caemhcaiq doiqrog haicuengq. Aen gvanj neix ciemqdieg 4503 bingz- fuengmij, vwnzvuz baijbouh faen baenz lai cungj minzsuz、 Lingzyinz bienqvaq hungloet、 laeuzaennyenz canjgih daengj bouhfaenh, baijbouh yungh conzdungj gisuz caeuq yienhdaih gohyoz gisuz doxcaez giethab, doenggvaq caenhuq、 siengqdeu、dozbenq daengj, hawj bouxyawj engqgya cigciep roxyiuj Lingzyinz.

(Siuh Fazlingz Vangz Yenzyungz)