Daj bi 1966 hainduj, gij doih dagrau、sezgi caeuq caepguh duh bumwnz dienhraemx swcigih, lienz- daemh cienj daengz Lungzgyangh guhhong. Youq seiz doenghluenh “vwnzgwz”, gij doih neix caeuq minzgoeng bonjdieg, ciuqyiengh souj youq gwnz dieghong swhgeij. Daengz bi 1974, gonqlaeng guh baenz le Luzgyaz、Bazgung、Lozdungh、Lahlang 4 aen camhfatdienh gaepmbaek, daezhawj nwngzyenz hawj Cangj Gangdiet Hozciz、Cangj Sezbei Fatdienh Rengzraemx Ginhcwngz- gyangh、Cangj Danfeiz Hozciz、Meizgvangq Lozcwngz、Meizgvangq Hungzmou、Cangj Daemj Faiq Dunghgyangh、Cangj Veiznizlunz Yizsanh、Cangj Gihcangz Yizsanh、Cangj Gihgai Lungzgyangh Yizsanh、Cangj Gingq Yizsanh daengj cangj moq.

Mboujgvaq, Camhfatdienh Gaep- mbaek Lungzgyangh fatdienh dauq- daej mizhanh, gij yungzliengh cungj- canggih 4 aen camhfatdienh neix cij miz 10.7 fanh cienvax. Caemhcaiq, aen “gyaeujlungz” haifat gaepmbaek Lungzgyangh Camhfatdienh Yaqgyauz, yenzlaiz dwg ciuq faisang daeuj sezgi, yungzliengh cang dienh dwg 12 fanh cienvax, doeklaeng fatyienh miz conghgamj, bi 1972 seizdoeng couh dingz guh lo.

Najdoiq gij cingzgvang haifat Camhfatdienh Gaepmbaek Lungz- gyangh caeuq gij saehsaed Guengjsae yungh dienh ngoenz haenq gvaq ngoenz, gij goengdaeuz dinghsaeh swcigih hainduj baenqgyaeuj yawj coh Dahraemxhoengz, diuz dah neix deng vunz haenh guh “aen fouqgvangq” swhyenz rengzraemx Cungguek.

Dahraemxhoengz goek youq Biengzsang Yinz Gvei, dieglae miz 13 fanh lai bingzfueng goengleix gvangq, ndaej haifat swhyenz rengzraemx daih’iek 1100 fanh cienvax, liengh- fatdienh bi he ndaej 500 lai ik cienvax, dwg diuz dah dienhraemx fungfouq guek raeuz goengnyinh haenx. Najdoiq aen “fouqgvangq” neix, daj 50 nienzdaih hainduj, gonqlaeng miz Gunghcwngzgiz Suijli Cuhgyangh、Veijyenzvei Gviveh Dieg- lae Cuhgyangh、Yenz Sezgi Baekging、Yenz Sezgi Cangzsah、Yenz Sezgi Dagrau Suijdendingh Guengjsae、gij doih gviveh bumwnz gyaudoeng caeuq dienhraemx Guengjsae daengj danvih, camgya guh gvaq gij hong bujcaz dieghingz caeuq dagrau suijvwnz, caemhcaiq guh gvaq mbangj gviveh. Gyoengqde daezhawj le haujlai swhliu gig dijbauj caeuq cauh baenz le diuzgen cibfaen mizleih hawj ciuhlaeng bae haifat Dahraemxhoengz.

1973 nienzco, ciuq gij yigen , swcigih laebbaenz le aen Cujiq Dazyinx Gviveh Cunghab Leihyungh Dahraemxhoengz, youz Couh Gvanghcunh、Vungh Cangzbuj、Cai Yungjveiz、Couh Vazbyauh、Vangz Swjboh daengj vunz gyoebbaenz, Couh Gvanghcunh dang cujcangj, Vungh Cangzbuj guh fucujcangj caeuq cujyin ranzbanhgoeng.

(caengz sat)