Miz aen gunghswh ndeu yaek ciu boux hai ci he, hawj gunghswh gig sang. Ginggvaq haujlai baez gaujsawq liux, lij lw sam boux gisuz ceiq ndei doxceng aen vih neix. Boux cawjgauj cam gyoengqde:“ Aendat gizhaenx miz ndaek gim he, sou hai ci bae aeu, nyinhnaeuz liz aendat geijlai gyawj caemhcaiq youh mbouj hawj vunz caeuq ci itheij doek roengz aendat bae?” Boux daih’it naeuz:“Song goengcik.” Boux daihngeih onjdada dwk naeuz:“Buenq goengcik.” Boux daihsam naeuz:“Gou yaek liz aendat gig gyae, yied gyae yied ndei.” Doeklaeng, aen gunghswh neix loegaeu le boux daihsam bae hai ci.

Mbouj aeu caeuq gij yaeuh doxnem, wnggai liz de yied gyae yied ndei.