●1 nyied 6 hauh dwg ngoenz- ciet siujhanz, Cenzcouh Yen Singzyangh diegdieg mbin gij heiqhom ceiz, dangdieg vunzlai ranzranz hohhoh miz gij conzdungj siujhanz guh ceiz, caj daengz ndwencieng seiz bae cunz caencik baengzyoux, aeu de guh saenzcingz soengq.

(Vangz Swhcang Dungz Gvangjdungh)

●Gaenh geij bi neix daeuj, Dwzbauj Yen Lungzsangh Cin cungfaen fatok bonjdieg gijndei swhyenz, gaenxmaenx sonyinx vunzlai diuzcingj dajndaem gezgou, gujli ciuq hwnjguh yienhdaih daegsaek nungzyez sifangih hwngfat vunqsik, gyalai ndaem byaek, vih dangdieg bouxguhnaz lai fungsou baenzfouq caux diuz roen moq.

（Cinz Siubeih Vangz Yenzyenz）

●Bi moq ngamq hainduj, Denzyangz Yen Yifung Cin vunzlai couh leihyungh cietheiq seiz ndei, faenfaen bae gak bonjdieg hawciengz gaicawx dinfaex haenx, cawx dinfaexsamoeg、 dinfaex- anhsu、 dinfaexge daengj gak cungj dinfaex, haenqrengz guh hong comj ndaem lai ndaem gak ranz ndoengfaex, mboujduenh gya- gvangq linzyez dajndaem mienh- cik, daezsang bo’bya ndoengfaex cwgoemq cingzsoq caeuq aen mbanj loegvaq caeuq dajrongh cingzdoh.

(Vangz Gozsun)

●Yungzanh Yen dwg buek daihhaj Cunghyangh caizcwng siuj- hingz reihnaz suijli cungdenjyen, 2015-2016 nienzdoh seizdoeng seizcin dajsuenq hengzguh suijli hanghmoeg 106 aen, gungh bued cienz 7809.73 fanh maenz, gaijgez 1.32 fanh vunz gwnraemx ancienz vwndiz, dauqfuk caeuq gaijndei dwkraemx mienhcik 6.21 fanh moux, bi gyalai mbaetraemx naengzlig 100.36 fanh laebfueng, vih seizcin dajndaem swnghcanj yungh raemx daezhawj baujcang akrengz.

（Vangz Gozliengz）

●1 nyied 10 hauh, Dasinh Yen Dauzcwngz Cin Cwngfuj lienzhab gyoengq bouxgagnyienh Dasinh Yican itheij haiguh bi moq roengzmbanj soengq raeuj hozdung, seongq denz、 buh、 haeuxsan daengj doxgaiq hawj bouxgeq vujbauj. Gvaqlaeng, gyoengqde yaek laebdaeb soengq doxgaiq raeujsim hawj aen cin neix gizyawz geij bak boux bouxgeq gungzhoj vujbauj.

(Cinz Civanj)