1 nyied 6 hauh, Lozcwngz Mulaujcuz Swciyen bae bo gvangjcangz, Mulaujcuz mbauqsau camgya bae bo doiqfwen hozdung, doxcaez soengq doxgaiq dinghcingz, doxcaez gangj cingzeiq.

Mulaujcuz miz gij conzdungj “bae bo doiqfwen”, ciet bae bo dwg ngoenzciet conzdungj Mulaujcuz bouxcoz doiqfwen gyauyoux, itbuen youq ndwencieng caeuq bet nyied cibngux gonqlaeng banh, moix daengz ngoenzciet seiz, Mulaujcuz mbauqsau cang- ndang moqsag gyaeuget, baenz bang guhdoih, doxcomz youq bo’bya gingjsaek gyaeundei roxnaeuz bofwen eu fwen, aeu fwen gyauyoux, aeu fwen cienz cingz, aeu fwen guh moiz, gangj cingz gangj gyaez, doxcaez soengq doxgaiq dinghcingz, gangjok gij cingz song mbiengj doxgyaez, ra bouxhab’eiq; seizneix Mulaujcuz bae bo doiqfwen gaenq mboujdan dwg gangj cingz gangj gyaez lo, de gyalai le haenhdanq dangj, haenhdanq seveicujyi, haenhdanq minz- cuz doxgiet, haenhdanq vuenyungz saedceij daengj neiyungz. Ndaw doz dwg bouxcoz Mulaujcuz camgya bae bo doiqfwen hozdung.

(Liu Gvanghfuz/廖光福)