Seizdoeng aenbwt yungzheih fat- bingh, hozgyawh in、bwt in、ae’ngab daengj bingh rox gyanaek. Itbuen vunz hix ciengz baenzae、aek in. Aen geiqciet neix, baujhoh aenbwt gengangh daegbied youqgaenj.

Miz aen fap fuengbienh youh bienzngeiz ndeu ndaej baujhoh aenbwt, haenx couhdwg lai gwn lauxbaeg nding. Aenbwt deng sieng dingzlai dwg aenvih nemmuek hozgyawh deng sieng yinxhwnj, veizswnghsu A ndaej baujhoh nemmuek sibauh, moix ngoenz genhciz gwn aen lauxbaeg nding ndeu, doiq diemheiq hidungj daegbied dwg doiq baujhoh aenbwt miz haemq ndei cozyung. Linghvaih, β lauxbaeg nding doxgaiq doiq ndit caeuq yangjgi daegbied minjganj, ndit ciuq nanz rox yangjva faengaij, ndigah, lauxbaeg nding ceiq ndei baez dog gwn liux gaej louzce nanz. Caiq gangj, β lauxbaeg nding doxgaiq naengz yungz youq ndaw youzlauz, ndigah, cauj、aeuq、saz gwn cungj ndaej.