Youq ndaw singgo sepsat duzroeg, daxgoeng daengngoenz ndiu lo. De ietnonx mbat he, daenj buhfwj hajsaek, menhmenh benz hwnj dingjbya, doiq doenghduz doenghgo ndaw ndoengfaex riu. Dujva riu dwk docih daxgoeng daengngoenz, mbawfaex ngafaex bienq ndaej engqgya heuyau lwenqmyam. Diuzdah youq ndaw ndoengfaex heux bae heux dauq. Duzmbaj humx dujva diuqfoux, gyoengq lingz youq ndaw ngafaex swenjyaya diuq hwnj yat roengz, roeggungjcoz cix youq gwnz ngafaex dinghdingh angj geubuh vava loegloeg de. Saehaexma caeuq duzgvi doxiu youq henz dah doxdax buet, daeuq ndaej duzmou caeuq duzdoq riuhaha. Gyoengq bya caeuq gyoengq gungq youq ndaw dah guh’angq, sinz hwnj baenz duj baenz duh langhraemx.

(sam nienzgaep Vangz Henzdaz)