●Gaenh geij bi neix daeuj, Fuconh Yauzcuz Swciyen gunghsanghgiz、 linzyezgiz、 suijgojbanh daengj bumwnz daj cienz、 gisuz、 beizyin saenqsik daengj fuengmienh gaenx- maenx bangcoengh boux- ndaemmak lai dajndaem gomak, seizneix, daengx yienh ndaem makdoengj 35 fanh moux.

(Cinz Yengiz)

●2015 nienz 12 nyied 31 hauh, Liujcouh Si banh gaiq daih’it nungzyez bozlanjvei, makgaemjgaet Yungzanh Yen aenmak lwenq feihdauh ndei ndaej daengz haujlai siminz haengjgyaez. Ciuq cam rox, Yungzanh Yen ndaem makgaemjgaet mienh- cik daih’iek 11.5 fanh moux, bi gai makgaemjgaet daih- iek 9.5 fanh dun, canjlieng caeuq cizlieng youq daengx guek dieg ndaem makgaemj- gaet ciemq baizgonq.

(Vangz Gozliengz)

●2015 nienz 12 nyied 30 hauh, bouxguhhong Guengjsae Bouxcanzciz Bang- bouj Doxgaiq Cungsim bae daengz Ningzmingz Yen vih 13 boux lwgnyez canzciz cang ga gyaujhingzgi mbouj aeu cienz, ndaej daengz cawjranz lwgnyez canzciz haenh ndei.

(Couh Yizgangh Vangz Haunwngz)

●1 nyied 1 hauh, Lungzcouh Yen gak yangh cunh haiguh gak cungj cangqheiq doxhwnj hozdung, youh ciengq youh diuq yienh’ok faenh sim bauqdap gij aencingz dangj caeuq cwngfuj, danqciengq guekgya haeujlaeg gaijgwz heiqsik moq caeuq saedceij moq.

(Cinz Youjcaiz)

●1 nyied 1 hauh, Yungzsuij Myauzcuz Swciyen Anhdai Yangh Gyanghcuz Mbanjmyauz haiguh bi moq soengq raeuj hozdung, youz daih’it suhgi daiq doih, soengq haeuxsan、 denz、 youzgwn daengj simndei doxgaiq hawj dangjyenz laux gungzhoj, angqhoh bi moq daeujdaengz.

(Hoz Sauhungz)