Ngoenzsinghgiz, dax- meh bae aeu huq, gou bae bouq vwnzgiden daxmeh hai haenx bang guhhong. Gvaq yaep ndeu, miz boux boh’au ndeu daeuj cawx bit, de naeuz yaek gaujgauj gou, danghnaeuz gou dap doiq le, de couh lai cawx di bitmaeg. Gou dapwngq lo.

Boh’au riu dwk naeuz: “Gou yaek cawx bityenzcuhbiz gonj 2 maenz haenx caeuq gangbit gonj 5 maenz haenx gungh 10 gonj, hawj mwngz 41 maenz, mbouj yungh cauj cienz, mwngz wnggai hawj gou geij gonj bityenzcuhbiz、geij gonj gangbit?”

Gou siengj mbat ndeu, naeuz:“Bityenzcuhbiz 3 gonj, gangbit 7 gonj.”

Boh’au miz di mbouj saenq naeuz:“Siuj baengzyoux, mwngz dwg guj ba?”

Gou saenqsim cibcuk naeuz: “Gou mbouj dwg guj, gou dwg yienghneix siengj, gyajsiengj 10 gonj cungj dwg gangbit, aeu 10×5=50(maenz), beij saedcaeq lai 50-41=9(maenz). Aeu gonj bityenzcuhbiz ndeu yawj baenz gonj gangbit ndeu couh lai 5-2=3(maenz), yienghneix couh gouz ndaej ok bityenzcuhbiz dwg 9÷3=3(gonj), ganghbit dwg 10-3=7(gonj).”

Boh’au haenh gou coeng- mingz, lij caen lai cawx haujlai bitmaeg. Doeklaeng, gou cij rox boh- au dwg ranznden gou ngamq buen daeuj haenx, de vanzlij dwg boux suyoz lauxsae ndeu.

(seiq nienzgaep Dangz Yizcenz)