(ciep geiz gonq）

Gij gyauyoz Duhgauh,

Haujlai vunz cungj rox;

De doq cuengq ndawsim,

Lumj saenj cim nei saeq.

Aen mingz Duhgauh dou,

Mbouj yungh cam couh rox;

Bae Cinghvaz Dayoz,

Mbouj rox geijlai vunz .

Gij gauhgauj bineix,

Gauj ndaej gig ndei bae;

Cwngzciz boux ceiq yaez,

Hix ndaej hwnj dayoz.

Bae Duhgauh hwnjdangz,

Funghheiq feihcangz ndei;

Soengq lwg daengz gizneix,

De ciengzseiz haeujsim.

Duhgauh baenzneix hoengh,

Bouxlawz goenglauz sang;

Moz Cingauh yaucangj,

Danghyenz de ceiq lai.

Bouxlawz dang lauzmoz,

Daengx guek cungj rox caez;

Guh ndei vunzlai gyaez,

Bae yiengq de hagsib.

Duhgauh Moz yaucangj,

Aencingz gangj mbouj liux;

Ciuhneix de baesien,

Mingz de cienz fanhdaih.

(sat)