●12 nyied 25 hauh, Yiz- couh Si Daihsam Siujyoz ndaw hagdangz sing fwen haprwenz, gyoengq hagseng hopheux sevei- cujyi hwzsinh gyacizgvanh neiyungz eu ok baenz hot baenz hot fwen, youq seiz gaiq daih’it ciet hagdangz vwnzva yisuz biujyienj, yinx ndaej daengx hagdangz lauxsae hagseng daeuj dingq yawj, ndaej daengz gyoengq bouxyawj bekfwngz haenhndei.

(Veiz Canghyoz Cangh Gifaz)

●12 nyied 26 hauh, Ningzmingz Yen Caianh Yangh Caianh Cunghyoz banh bi 2016 yenzdan vanjvei. Minzcuz diuq- foux、 hagdangz siujbinj、 hag- dangz heiqsimleix daengj lai cungj vwnzyi hingzsik vih gyoengq hagseng daezhawj aen daizheiq baijyienj dungxcaiz he, fungfouq le hagdangz vwnzva saedceij, ndaej daengz haujlai lauxsae hagseng angqcoux.

(Couh Yizgangh Cwng Cunghswngh)

●Bineix daeuj, Nazboh Yen Minzcuzgiz giethab haiguh “sam yiemz sam saed” ciendaez gyauyuz hozdung, gaenxmaenx ceng’aeu gaep baihgwnz cienz hwngfat saujsu minzcuz, bineix gungh ceng’aeu ndaej baihgwnz cienz cienhangh 1000 fanh maenz, yungh guh gwnraemx hanghmoeg、 vwnzva hozdung ciengzdieg daengj.

(Yi Yezvaz Lungz Yici)

●Mboengqneix, Yungzsuij Myauzcuz Swciyen Minzcuz Siuj- yoz banh minzcuz doxgiet cihsiz doxdax hozdung, doenggvaq banh doxdax hozdung, hawj gyoengq hagseng roxyiuj gij yiyi youqgaenj minzcuz doxgiet, gyagiengz le doiq daengx hagdangz lauxsae hagseng minzcuz doxgiet gyauyuz, hawj lauxsae hagseng roxyiuj minzcuz cihsiz caeuq gak cuz fungsug sibgvenq, laeb ndei minzcuzgvanh, gungganq minzcuz doxgiet yisiz.

（Fung Sauswh Veiz Yungzcunh）

●Bineix 10 nyied daeuj, Lozcwngz Mulaujcuz Swciyen hainduj comz rengz hwnjguh loh doeng mbanj, yienh caizcwng moix bi bued ngaenz 3000 fanh maenz, yungh guh lajmbanj loh doeng mbanj, ceng’aeu yungh 2 daengz 3 bi seizgan, saedyienh daengx yienh aen mbanj miz 20 ranz doxhwnj haenx cienzbouh hawj doeng lohsuijniz roxnaeuz lohbwzyouz.

(Se Sunhwngz)