Miz cungj ranz ndeu, mwngz siengj bae gizlawz, de couh riengz mwngz daengz gizlawz.

Baihrog aenranz dwg saekloeg, baihndaw mwngz siengj aeu gijmaz saek, cijaeu mwngz youq bakdou mbaenq aen anniuj nganzsaek, genj gij saek mwngz siengj aeu haenx couh ndaej lo. Ndaw ranz miz aen ding ndeu, aen bakcauq ndeu, sam aen rug, aen ranz doegsaw ndeu, song aen ranz- dajcaemx, daengx ranz vunz doxcaez youq, gig vuenyungz.

Yaek buen ranz, miz song cungj banhfap, cungj daih’it dwg: Bouxcawj byaij ok rog ranz bae, youq gwnz bakdou mbaenq aen anniuj hau caeuq aen anniuj henj, aenranz couh rox suk iq, ram hwnj ci couh ndaej yinh bae lo；cungj daihngeih dwg: Bouxcawj louz youq ndaw gyang ranz, youq bakdou mbaenq aen anniuj hau caeuq aen anniuj heu, hai aen daujhangzyiz, dingh ndei giz dieg yaek bae haenx, aenranz couh rox suk iq di, caiq iet ok seiq aen loek, lumj aenci ityiengh dap daengx ranz vunz bae giz mwngz siengj bae haenx.

Ndaw ranz lij boiq miz boux vunzgihgi ndeu, de rox bang mwngz guh hongranz, lumjbaenz cingjleix ndaw ranz, dajcawj, baetranz, daj- saeg……Ndaw ranz lij rox gag diuz dohraeuj, daengx bi cungj lumj seizcin ityiengh raeujrub, bouxvunz youq ndaw ranz gwndaenj, geijlai cwxcaih ha!

Cungj ranz neix caen saenzgeiz ha! Mwngz hozhaenz lwi? Gou sieng- saenq, bouxvunz ngoenzcog itdingh ndaej youq cungj ranz neix.

（指导老师：覃红梅）

贵港市覃塘区蒙公乡高占小学五（1） 黄小烽