12 nyied 17 hauh banhaemh, Yungzsuij Myauzcuz Swciyen banh gaiq daihgouj “cingz lienz Bya’myauz” lajmbanj vwnzyi diuhyienj vanjvei, daengx yienh 19 aen yanghcin daiqbiujdoih Myauz、 Yauz、 Cuengh daengj minzcuz gungh 24 aen cezmuz guh doxdax, vih bouxyawj yienj daiz heiq bouxguhnaz gofoux ndeiyawj he.

Ciuq cam rox, Yungzsuij “cingz lienz Bya’myauz” lajmbanj vwnzyi diuhyienj bi 2002 hainduj banh, cujyau daezhawj lajmbanj seizhoengq doihvwnzyi aen daizheiq baijyienj bonjfaenh he, binaengz caebcomz youq yienhsingz guh baez doxdax he, senhconz guekgya mizgven fuengcim、 cwngcwz, daezsang vunzlai vwnzva suciz. Seizneix, Yungzsuij gungh miz 152 aen bouxguhnaz seizhoengq doihvwnzyi, seizhoengq yenjyenz miz ca mbouj geijlai fanh vunz.

(Liu Swjyenh/廖子渊)