12 nyied 17 hauh banhaet, Fangzcwngzgangj Si Fulenz bae Fangzcwngz Gih Fuzlungz Yangh Denjdwngh Siujyoz haiguh gyauyuz gvansim camnai hozdung.

Hozdung dangngoenz, Si Fulenz soengq binghbanghgiuzdaiz、 lanzgiuz、 yijmauzgiuz daengj hagsib caeuq dijyuz doxgaiq hawj gyoengq lwgnyez Denjdwngh Siujyoz. Doengzseiz, vih gya’gvangq lwgnyez diegbya cihsizmienh, hawj gyoengq lwgnyez lai roxyiuj, Si Fulenz lienzhab Si Mehmbwk Lwgnyez Hozdung Cungsim, doengzcaez cujciz gyoengq lauxsae giemnyaemh bae hawj gyoengq lwgnyez Denjdwngh Siujyoz hwnj dangzgoq diuqfoux、 singyoz、 daizgenzdau daengj dem, gyoengq lwgnyez diegbya baez daih’it gamjsouh daengz gij yinxdaeuz yisuz, gikfat gyoengq lwgnyez doiq hagsib yisuz mizyinx caeuq siengjmuengh.

(Vangz Veigenh/黄慧娟)