Moz Cingauh yaucangj,

Gangj daengz vunz cungj rox;

Dwen hwnj aen mingzcoh,

Cienzgoz cungj rox caez.

Moz Cingauh yaucangj,

Gungcanjdangj gaijmoz;

Buekmingh gauj gunghcoz,

Sinhoj ciuh vunz he.

Gunghcoz geijcib bi,

Mbouj miz ngoenzlawz daengx;

Guh saeh de gig haengj,

Mboujcaengz daengx saek seiz.

Gij doiq dangj saehnieb,

Daegbied yunghsim guh;

Gij saehcingz gyauyuz,

De fucwz dangqmaz.

Gij gyauyuz Duh’anh,

Ndaej manhmanh guh ndei;

Moz yaucangj gwed geiz,

De ceiq miz goenglauz.

Lingjdauj miz fanghfaz,

Gunghcoz ca ndaej haenq;

Bak gangj cungj guh baenz,

Vunz raen cij simfug.

Hagseng de hix rex,

Doengzsaeh de hix bang;

De guh boux bangjyang,

Yangjdangdang gvaq vunz.

Lingjdauj de hix dang,

Miz dangz de hix hwnj;

Gunghcoz de gig nwnh,

Mbouj raen de lwnh gvaq.

(caengz sat)