Bonjbauq siusik (gicej Couh Yi) Mboengqneix,《Minzcuz Vabau》2015 nienz 12 nyied (cungj 627 geiz) okbanj fathengz, ndawde yungh le 16 yieb saw daeng faenzcieng caeuq mbawdoz lwnh Guengjsae. Neix dwg 《Minzcuz Vabau》 youh baez he guhhaenh Guengjsae raeuz, youq laeng 11 nyied (daih 626 geiz) yungh le 8 yieb saw lwnh Guengjsae raeuz gvaq.

《Minzcuz Vabau》 gyawj song geiz neix，laebdaeb doiok seiq bien faenzcieng 《Swnjcienz Conzdungj Maenhndei, Coicaenh Minzcuz Doxgiet——Geiq Guengjsae Daengx Guek Minzcuz Doxgiet Cinbu Gyauyuz Gihdi》、《Namzningz Hai Duj Vadoxgiet》、 《Lwnh Duh’anh Roekcib Bi Bienqvaq Hung- loet——Angqhoh Duh’anh Yauzcuz Swciyen Laebbaenz 60 Hopbi》、《Fwenangq Daxnuj Mbanjyauz Gyaeundei》，lij boiq le 70 fuk doz, daj mbouj doengz gakdoh cienz ok Guengjsae minzcuz vwnzva caeuq fungcingz daegsaek naekna, baijok gij huzndei Guengjsae minzcuz doxgiet, yienjok Guengjsae minzcuz saehnieb hwngfat gig ndei.