1. Diuqcag. Diuqcag dwg cungj miz yangjgi yindung ceiq miz yaugoj ndeu, diuq 30 faen cung couh siuhauq bae 400 gaj ndat, dwg cungj genmeij yindung vunzlai haemq maij he. Diuqcag vayiengh gig lai, miz genjdanh youh miz fukcab, daegbied hab seizdoeng yindung, diuqcag yungh seizgan dinj, hauq naengzliengh daih.

2. Caij danci. Caij danci hix ndaej cangq ndang, caemhcaiq ndaej lienh nohga caeuq hohga. Ciengzseiz caij danci, ndaej bang coi lwed lae baedauq, youh ndaej lienh hohga caeuq hohdabaeu.

3. Bin bya. Bin bya dwg cungj yindung depgaenh daswyenz ndeu, ndaej coi ndang vunz sup haeuj caeuq baiz ok, hix ndaej coi lwed lae baedauq, daengx ndang sangjsak, ndaej daezsang menjyizliz, daezsang rengz dingj bingh.

4. Menhbuet. Menhbuet dwg cungj yindung hoengqhanz ndeu, mbouj yungh douzhaeuj daiq lai, danhseih yauyiz gig sang. Seizdoeng haujlai vunz lau nit gik doengh, danghnaeuz ndaej sawq menhbuet 30 faen cung, ciuqyiengh ndaej daengz cangq ndang muzdiz.

5. Gwih max. Gwiq max miz itdingh yungyiemj, danhseih mwh mwngz gwih sug le, doiq giengzvaq nohga gig miz ndeicawq.