Daxmeh gou dwg boux nungz- giswh ndeu, bineix 38 bi, ndang reuxred, byoemgyaeuj ndaemndet raezrang, de baez riu hwnjdaeuj, gyaeundei raixcaix.

Daxmeh ciengzseiz son gou aeu gyaez doegsaw, cijaeu gou siengj cawx gij saw gou gyaez haenx, daxmeh cungj cawx hawj gou.

Miz baez ndeu, gou caeuq daxmeh bae haw guhcaemz, byaij gvaq aen ranzgaisaw seiz, daxmeh naeuz：“Raeuz haeujbae yawjyawj ba!” Dou byaij haeuj ranzgaisaw bae, va, ndaw ranz dauqcawq cungj baij miz saw, saw lwgnyez ha, saw bouxlaux ha, gak cungj gak yiengh. Gou caeuq daxmeh nyinhcaen yawj saw, doeklaeng gou genj geij bonj saw gou gyaez haenx, gaem daengz baihnaj daxmeh, daxmeh lumh gyaeuj gou naeuz：“Siengj doegsaw couh cawx ba, bonjsaw ndaej hawj mwngz haujlai cihsiz, baema ndeindei doeg bw.”Gou umj geij bonj saw, angq- vauvau dwk itmienh ciengqgo itmienh naengh danci daxmeh dauqma lo.

Doeklaeng, daxmeh lij bang gou cawx ma haujlai saw. Gou siengj doiq daxmeh gangj: Daxmeh, docih mwngz, gou itdingh ndeindei doegsaw, mbouj hawj mwngz caeuq daxboh saet- muengh.

（指导老师：覃珍团）