Mboengqneix, Sihlinz Yen Youq Bazdaz Cin Daihngeih Siujyoz banh “fwen dahdozniengzgyangh” bouxcoz nyezrauh swnjcienz beizyin gihdi biengj baiz yizsi, neix hauh’ok Sihlinz Yen hong “feihvuzciz vwnzva” haeuj hagdangz hozdung sawqdiemj cingqsik hainduj.

Sihlinz Yen haiguh “feihvuzciz vwnzva” haeuj hagdangz sawqdiemj hozdung, youz Yen Vwnzdij Gvangj- dengiz fucwz, Yenveij Senhconzbu、 Yen Minzcuz Swvugiz bang guh. Bi 2015 youq Bazdaz Cin Daihngeih Siujyoz banh “fwen dahdozniengz- gyangh” beizyin, youq Sihlinz Yen Minzcuz Gauhcungh banh “foux- yahvaiz (fouxvaizcin)” beizyin. Cingj fwenvuengz caeuq lauxhangz aen yienh neix guh hwnjdangz lauxsae. “Feihvuzciz vwnzva” haeuj hagdangz hozdung, ceng’aeu daengz bi 2017 youq daengx yienh gak yanghcin haiguh.

Haiguh “feihvuzciz vwnzva” haeuj hagdangz hozdung, doiq swnjcienz baujhoh caeuq fatyiengz “feihvuzciz vwnzva” mizik, doengzseiz hix fung- fouq hagdangz vwnzva saedceij.

(Cinz Hungzsingh/覃红星)