●Gaenh geij bi neix daeuj, Denhngoz Yen youq gyalai mbanj saujsu minzcuz roenloh daengj giekdaej sezsih hwnjguh doengzseiz, haenq- rengz dajcaux lajmbanj swnghdai、gyaeundei. Lohsuij- niz bingzrwenx seuqswd、 ndoeng goraeu nding gyaeu lumj veh、 vunzlai Bouxcuengh gyaeundei miz cingsaenz, gyoebbaenz fuk veh lajmbanj huzndei angqyangz he.

(Cangh Yungjhungz)

●Gaenh geij bi neix daeuj, Lingzyinz Yen Swcwngz Yangh Dangjveij Cwngfuj haenqrengz gujli vunzlai dieggyae diegbya, cungfaen leihyungh diegnamh swhyenz ndaem doenghgo daegsaek dij ngaenz, aeundaej ginghci yauqik gig ndei.

(Lingz Siuhfaz)

●12 nyied 8 hauh, bouxgagnyienh ingjsiengq youq Libuj Yen Bujluz Yauzcuz Yangh Mbanjvangz- nizlu caeuq bouxlaux itheij yawj mbawsiengq. Gaenhgyawj byaibi, aen yienh neix cujciz ganbu cizgungh、 boux gyaez ingjsiengq bae diegbya haiguh “vih bouxlaux ingjsiengq mbouj aeu cienz” hozdung, vih bouxlaux daiq bae angqyangz. (Couh Cinyenj)

●12 nyied 9 hauh, Namzningz Si Segohyen fucuj- siz、 Guengjsae Cuenghhagvei misuhcangj Cau Denhbauj daiqlingx Guengjsae Minzcuz Dayoz 4 boux lij doegsaw yenzgiuswngh bae Binhyangz Yen guh diuyenz. Baez diuyenz neix cungdenj doiq Binhyangz Yen saujsu minzcuz comzyouq yanghcin saujsu minzcuz ginghci、vwnzva、cunghgyau、 ndawbiengz yungh Sawcuengh cingzgvang daengj guh diucaz.

(Lanz Suiz)

●12 nyied 9 hauh, hek- youz youq Cauhbingz Yen Vangzyauz Cingeq gingjgih yawjngonz minzsuz biujyienj. Vangzyauz Cingeq ciengzseiz iucingj dangdieg ndawbiengz donzdij、canghheiq yienj dinfwngz ak, vih seiqmienh betfueng hekyouz daiq daeuj cezmuz gig ndeiyawj.

(Liuz Feih)