Daxgoeng gou bineix 68 bi lo, byoemgyaeuj de lumj dujfaiq ityiengh hausaksak, baez yawj densi cungj daiq fouq nganxgingq gvaengh ndaem ndeu.

Daxgoeng gou lij gig ndang- cangq miz rengz, de gig gaenx guhhong, nazreih ndaw ranz cungj dwg de dajcae dajrauq. Daxboh caeuq daxmeh gou bae Gvangj- dungh guhhong ra cienz, gyoengqde heuh daxgoeng caeuq daxbuz gaej guh hongnaz lo, dajleix gou caeuq daegnuengx gaenq sinhoj lai lo. Hoeng, daxgoeng mbouj dingq, riuhoho naeuz：“Guh di hongnaz suenq gijmaz, swhgeij ndaem haeux gwn cij van, caiqgangj guh di hong doiq ndangdaej engq ndei. ”

Daxgoeng hix gig gyaez duzvaiz, de naeuz duzvaiz dwg aenbauj bouxguhnaz. Hongnaz guh sat le, daxbuz bae ra doih gangjgoj, daxgoeng couh bae langhvaiz, mbwn ndat seiz, youh aeu raemxcingj daeuj rwed ndang vaiz, ciengzseiz dawz rienghvaiz baet ndaej seuqsatsat bae.

Daxgoeng gou couhdwg boux- vunz yienghneix. Gou gyaez dax- goeng gou.

（指导老师：覃珍团）