12 nyied 4 daengz 5 hauh, Vanzgyangh Mauznanzcuz Swciyen banh daengx yienh cungh siujhagseng lai cungj vah gangj gojgaeq ndawbiengz yienjgangj doxdax hozdung, doxdax faen baenz cungh、 siujyoz Vahcuenghcuj、 Vahmauznanzcuj caeuq Vahguncuj. Yienjgangj doxdax cawjdaez dwg “fatyiengz minzcuz vwnzva, saenqhwnj minzcuz cingsaenz, coicaenh gak minzcuz baedauq、 doxgyau、 doxyungz”, doenggvaq camgya doxdax hozdung, hawj cungh siujhagseng youq minzcuz vahgangj caeuq minzcuz ndawbiengz gojgaeq daengj fuengmienh minzcuz vwnzva maenhndei oenqgyuem baihlaj majhung, gyalai minzcuz nyinhdoengz caeuq miznaj. Gojgaeq ndawbiengz yienjgangj doxdax hozdung yinx ndaej daengx yienh gak aen yanghcin cungh siujhagseng doxcanj camgya, ginggvaq gak yanghcin cosaiq senjok, gungh 78 boux cungh siujhagseng senjsouj camgya 12 nyied 4 daengz 5 hauh gietsaiq doxdax.

Baez doxdax hozdung neix youz Vanzgyangh Mauznanzcuz Swciyen Yinzminz Cwngfuj cawjbanh, youz Vanzgyangh Mauznanzcuz Swciyen Minzcuz Cunghgyaugiz、 Vwnzva Gvangjbo Sinhvwnz Cuzbanj Dijyuzgiz、Gyauyuzgiz、 Minzyijgiz ciepbanh. Swcigih Minzyijveij Yingyungcu caeuq Hozciz Si Minzveij、Vanzgyangh Mauznanzcuz Swciyen Yinzda、 Cwngfuj daengj danhvei lingjdauj bae yawj doxdax hozdung, vanzlij fat ciengj hawj senjsouj camgya doxdax ndaej ciengj haenx.

(Maj Civaz/马志华)