De iugouz Cujsaeq Dazyinx Doxgaiq Gunghyez Ngoenzyungh anbaiz aen giva lai maenhsaed ndeu, guh hongdaengq hawj gak di、si, gij di、si sou bimoq guh gijmaz, guh geijlai, aeu ok aen iugouz, baez dingh roengzdaeuj le, cix aeu guh baenz. Guh ndaej genq di, aeu miz atlig, mbouj ndaej guh mbouj baenz.

Miz song baez baijok, cingq bungq swcigih hai gij hoih hong. Veiz Gozcingh daegbied daengq naeuz, youq duenh hai hoih haenx, yaek aeu cingj gij vunzgaemhong gak di、si haenx caeuq gij goengdaeuz gak bumwnz cigsug swcigih haenx bae ngonzyawj. Gij dungzci gak di、si haenx gig gvansim gij huqbaijok bonjdieg, gyoengqde yawjraen le gij mbouj ndei bonjfaenh, cungj byaujsi dauqma le aeu ca hangh hong neix engq ndei bae, yaek haifat gij huq daegsaek bonjdieg okdaeuj.

Bi 1971 nienzdaej, swcigih hai baez hoih doxgaiq gunghyez ngoenzyungh, yaenglwnh ceiqdingh gij gviveg youq mwh “gij giva 4.5” Guengjsae guh hong doxgaiq gunghyez ngoenzyungh haenx. Veiz Gozcingh youq gwnz hoih giengzdiuh, guh doxgaiq ngoenzyungh yaek aeu daj gaenbonj haidaeuz guh, nyinhcaen gyoebcomz gij caizliuh cauhguh, daj yienh、gunghse daengz dadui cungj aeu guh. Lumjnaeuz guh gij doxgaiq yungh gocoengh、goyaed、nonsei gocoengh、gogoux haenx, mizmbangj ndaw bi cij ndaej sou, mizmbangj gvaq geij bi cij ndaej sou, yienghneix youh ndaej gaijgez yienzliuh, youh ndaej hawj cizdij caeuq seyenz demlai souhaeuj. Aeu guh ndei gij hong gyoebcomz caeuq senhconz, hawj hongdaengq, geij bi cix ndaej guh hwnjbae. Vunzlai guh okdaeuj le, bumwnz honggaicawx aeu cawx. Miz- mbangj doxgaiq ndaej gyagoeng gai ok guek bae, lumjnaeuz maklozhangoj、dienzcaet daengj, lai gai di ok guek bae miz gijmaz mbouj ndaej? Guekgya aeu, se、dui ndaej souhaeuj, caemh- caiq doiq nungzyez gihgaiva guh hwnj mizleih. Mbouj guh yienzcaizliuh, ginghgunghyez cix guh mbouj hwnj- bae, nungzyez caemh nanz ndaej gihgaiva. De iugouz bi aeu gaemh geij baez, bineix gaemh, bimoq gaemh, bilaeng gaemh, lienzdaemh gaemh sam bi. De naeuz: Gvaqlaeng hong gyawz guh ndaej ndei cix bae gizde guh gyonjlwnh, yaengyaeng daezsang. Mbouj yienzmaed cujciz caeuq nyinhcaen bae gaemh, cix guh mbouj hwnjbae. Gij dangz raeuz yaez lai, dinfwngz raeuz yaez cix baij vunz bae Sanghaij hag dinfwngz vei! Bouxwnq cungj cauh ndaej yenz- swjdan okdaeuj lo, raeuz lienz dangz cungj guh mbouj ndaej ndei? Fanjcingq ne, aeu dajheiq, hix aeu miz di atlig, itcig gaemh ok suijbingz sang okdaeuj. Gij doxgaiq wnggai guh haenx cungj aeu guh hwnjbae. Gij 157 hangh gaenq liedhaeuj giva haenx, aeu gaijgez caizliuh, buekmingh guh hix aeu guh hwnjbae.

(caengz sat)