Gosuenq: Gosuenq dwg gijgwn vih daih’it yungh daeuj yawhfuengz aendungx baenzaiz he, gij goengyauq de dingj aendungx baenzaiz gig mingzyienj. Liuzhingz Bingyoz diucaz ndaej rox, doengh boux gwn gosuenq ndip haenx aendungx gig noix baenzaiz, yenzyinh dwg, gosuenq ndaej gyangqdaemq yasiuhsonhyenz ndaw dungx hamzliengh, gemjsiuj yasiuhsonh’anh habbaenz, ndigah ndaej fuengz aendungx baenzaiz.

Yiengzcoeng: Ciengzseiz gwn yiengzcoeng ndaej gyangqdaemq yasiuhsonhyenz ndaw dungx hamzliengh, aenvih yiengzcoeng hamz miz cungj doxgaiq he ndaej dingj baenzaiz. Yenzgiu ndaej rox, doengh boux ciengzseiz gwn yiengzcoeng haenx, aendungx baenzaiz fatbinghlwd beij doengh boux noix gwn roxnaeuz mbouj gwn yiengzcoeng aeu noix 25%, aendungx baenzaiz dai bae hix doekdaemq 30% baedauq.

Doengh goraet: Cujyau dwg raetdoeng caeuq raetrang、raetgimcim、raetmoegngaex daengj. Ciengzseiz gwn geij cungj raet neix, doiq aendungx baenzaiz miz yawhfuengz cozyung gig ndei. Raetdoeng hamz miz dohdangzdij, dingj baenzaiz cibfaen ak. Raetmoegngaex ndaem、raetmoegngaex hau hix hamz miz dohdangzdij, caemh ndaej dingj aendungx baenzaiz.

Makyungz: Ndaw makyungz hamz miz gij nding caeuq lauxbaeg nding doxgaiq, cungj huq neix ndaej dingj yangjva, daegbied dwg gij nding makyungz, ndaej cunghab swyouzgih ndaw ndang bouxvunz, doiq dingj aendungx baenzaiz caeuq siuhva hidungj baenzaiz mizleih, doengzseiz, doiq yawjfuengz yujsenaiz caeuq cenzlezsenaiz hix miz yaugoj.