Hagdangz gou miz go faex- rungz laux ndeu, de daengx bi cungj dwg mwncupcup. Dingqnyi daxgoeng gangj, gorungz neix gaenq maj miz it bak lai bi lo.

Daj giz gyae yawj, gorungz hung neix couh lumj aenliengj heusausau gang ok nei, vih dou dangj ndit cw fwn. Gorungz maj ndaej caen sang ha, beij haj caengz laeuzdoegsaw dou lij sang dem. Gorungz couh lumj bouxbing hungsang ityiengh souj hagdangz. Gorungz maj ndaej geijlai hung ha, hung daengz aeu 5 boux siuj baengzyoux fwngz gaem fwngz cij got ndaej doh. Haeuj gyawj di yawj, naeng gorungz ndaemndat nyaeuqnyat, couh lumj boux daxgoeng doiq dou riunyumj nei. Gij nye gorungz couh lumj fouzsoq genfwngz boux vunzhung ityiengh, fwngz gaem fwngz gen got gen. Gij rag gorungz ginggvaq daengngoenz dak, fwnraemx rwed, daj gwnz go duengh roengzdaeuj, cap haeuj lajnamh bae, miz mbangj diuz rag gig hung, beij gagoek dou lij hung ne. Ngiengx gyaeuj caiq sijsaeq yawj, nga’mbaw mwn- noengq heuyau, gij saek heuloeg haenx, lwenmyammyam ingj haeuj da daeuj, lumjbaenz dawz cienz- bouh sengminghlig de yienh hawj vunz yawj.

Gyanghaet, gorungz geijlai nauhyied ha! Duzroeg youq gwnz de ciengqgo diuqfoux、gangj goj bwnq lwg, youq gwnz gorungz miz haujlai “aenranz”, gyoengqroeg youq baihndaw gvaq ndaej vuen- yungz raixcaix.

Go faexrungz neix couhdwg gingjsaek ceiq gyaeundei hag- dangz dou! （指导老师：覃珍团）