Geij ngoenz daeuj, Duh’anh Yauzcuz Swciyen Cwngzgyangh Cin Bazsenh Maqmuengh Siujyoz banh ciet gohgi hozdung, aen ciet neix banh aen singgeiz he, gak cungj baijyienj caeuq daejniemh hozdung hawj gyoengq siujhagseng daejniemh daengz gij yinxdaeuz gohgi.

Ciuq cam rox, aen ciet neix youz Swcigih Doihguhhong Gohbuj caeuq Hozciz Si Gohhez daezhawj song aen cibungz gohbuj, daengx aen hozdung laeb miz cibungz gohbuj baijyienj、 gohgi cauxok doxgaiq iq、 gepbenj gohbuj baijyienj daengj hanghmoeg. Doenggvaq hozdung, hawj gyoengq hagseng roxyiuj gohbuj saenzgeiz laeglwd, haifat gyoengqde dungxcaiz, daezsang gyoengqde gohbuj yisiz, dajcaux ndaw hagdangz “hag gohyoz、 gyaez gohyoz、 yungh gohyoz” heiqfaenh, hawj gyoengq hagseng youq mbatlaeng hagsib engqgya roengzrengz, gyalai doiq gohyoz damqra caeuq gyaepgouz.(Couh Yinh/周 欣)