●Vih daezsang “lajmbanj swnghdai” hwnjguh cingzyauq, gaijndei lajmbanj yienghsiengq, caenh’itbouh fuengbienh vunzlai guhhong gvaq saedceij, Ginhsiu Yauzcuz Swciyen Samgak Yangh youq gyalai roenloh dajndongj hwnjguh ligdoh doengzseiz, youq bineix 10 nyied roengzcienz 12 lai fanh maenz, youq gak mbanj cang le 480 aen lohdaeng moq, saedyienh daengx yangh 41 aen mbanj hengzguh lohdaeng rongh gunghcwngz cienz- bouh cwgoemq.

（Vangz Vannenz）

●Mboengqneix, Lozcwngz Yen- veij Dungjcanbu aeu haeujlaeg hagsib senhconz gvancez dangj Cibbet Gaiq Hajcung Cienzhoih cingsaenz guh cujyau neiyungz, gaenxmaenx doicaenh dungjcan vwnzva “haj haeuj” hozdung, hawj gyoengq vunzlai youq bakdou ranz couh yiengjsouh ndaej ngaizhoengh vwnzva, ndaej daengz vunzlai haengjgyaez caeuq haenhndei.

(Mungz Cwnghswh)

●Mboengqneix daeuj, Vanz- gyangh Minzcuz Cunghgyau Swvuz- giz lienzhab aen yienh neix Vwnzdijgiz、 Gyauyuzgiz、 Minzyijgiz doengzcaez banh bi 2015 daengx yienh cungh siujhagseng gojgaeq Vahmauznanz、 Vahcuengh caeuq Vahgun doxdax.

(Danz Su’myauz)

●Mboengqneix, Denzlinz Yen daj yienh caizcwng yiengq daengx yienh 65 aen bujvei youwzyenz fat yozcenz gyauyuz haeujyenz cienz bangcoengh 61.40 fanh maenz, bangcoengh 1228 boux lwgnyez gyaranz gungzhoj ciepsouh yozcenz gyauyuz, gaijgez lwgnyez gyaranz gungzhoj ndaej haeuj youwzyenz bingzdaengj ciepsouh yozcenz gyauyuz, itheij cangqcoek majhung, daezsang suciz vunz dieg minzcuz gungzhoj.

(Banh Sauginh)

●11 nyied 25 hauh, Lungzswng Gak Cuz Swciyen Lungzciz Cin Daliuj Cunh mehmbwk hagsib conzdungj daemjbaengz caeuq dajsiuq. Ciuq cam rox, gijdaenj Buenzyauz youq bi 2008 nabhaeuj swcigih gaep feihvuzciz vwnzva yizcanj mingzloeg, vih hawj gijdaenj Buenzyauz ndaej yiengh caen swnjcienz, dangdieg mehmbwk ngoenznaengz dungjyiz daenj gijdaenj Buenzyauz, vanzlij ciengzseiz comz youq itheij hag conzdungj daemjbaengz caeuq dajsiuq, ciepswnj caeuq fatyiengz Buenzyauz conzdungj vwnzva.

(Gyaj Libingz Cinz Yenyen)