Vih gaijndei vunzraeuz aen- vih dohgvaq seizhah le aendungx siengdoiq hawnyieg cungj cang- gvang neix, cunghyih baujgen conhgyah daezsingj lwgminz naeuz, haeuj cou le ndaej habdangq gwn di cehmbu he daeuj cangq dungx.

Baekging Cunghyih Yihyen Cunghyih Dwzswzgoh Lij Gen cujyin yihswh vixok, mwh mbwn yied daeuj yied liengz seiz, vunzraeuz yied daeuj yied gwn ndaej doxgaiq lo. Hoeng, ginggvaq aen geiqciet seizhah raezrang he, goengnaengz aendungx vunzraeuz gaenq haemq nyieg, raemx ndaw ndang mbouj gaeuq, goengnaengz siuvaq supsou yaepseiz caengz ganj ndaej hwnj, ndigah siuhvadau gig yungzheih ok vwndiz, lumj baenz dungxraeng、dungx ciengq、baenzsiq daengj.

Conhgyah daezsingj naeuz, yawhfuengz siuhvadau ok vwndiz, aeu noix gwn gijgwn hamz youz lai haenx, gaej lanh gwn lanh ndoet; doengzseiz hix aeu cangq dungx, lai gwn di cehmbu、duhdoem、maklaeq、makhwzdauz daengj makgenq he.