11 nyied 9 hauh, Namzningz Si Gyanghnanz Gih Sinhvuz Siujyoz banh aen cawjdaez dwg “fatyiengz minzcuz vwnzva” dozveh fwngz veh cozbinjcanj ndeu. Sinhvuz Siujyoz gungh sou ndaej camcanj cozbinj 300 lai gienh, ginggvaq bingzsaemj, senh haeuj baez cozbinjcanj neix gungh miz 150 lai gienh cozbinj. Doenghgij minzcuz vwnzva dozveh cozbinj neix daezcaiz fungfouq, funggek lai yiengh, caux ok le gij heiqfaenh minzcuz vwnzva ndei, mboujdan fanjyingj gyoengq doengzhag cingsaenz yienghsiengq gaenxmaenx doxhwnj caeuq saedceij yienghceij vuenyungz, vanzlij gyoebcomz baijyienj le gij cingzcik Sinhvuz Siujyoz fatyiengz minzcuz vwnzva daezcaiz dozveh fwngz veh.

(Moz Cingh/莫 青)