11 nyied 8 hauh dwg laebdoeng, dangngoenz banhaemh, Denzyangz Yen geij cien boux siminz doxcomz youq Singzgeq Denzcouh, yawjngonz gaiq daih’it fouxgvangjcangz doxdax、 heiqbaizgiuz doxdax, doenghgij hozdung neix vih geiqniemh singzgeq hai gai hopbi ndeu banh, vwnzva heiqfaenh naekna hawj vunzlai gvaq aen laebdoeng mbouj bingzciengz he.

Ciuq cam rox, vih geiqniemh hai gai hopbi ndeu, 11 nyied 6 daengz 8 hauh, Singzgeq Denzcouh banh gak cungj angqhoh hozdung, cawz gij hozdung baihgwnz gangj le, lij miz fouxsaux、 dujswh cunzyouz daengj lai cungj minzsuz vwnzva guhcaemz hozdung dem, vih gyoengq siminz caeuq hekyouz soengq hwnj gij vwnzva cezmuz ndeiyawj.

(Vangz Gozsun/黄国顺)