60 nienzdaih satbyai daengz 70 nienzdaih haidaeuz, Guengjsae yungh doxgaiq ngoenzyungh, lij haemq gaenjcieng, daihbouhfaenh doxgaiq baengh diegrog diuh haeujdaeuj. Vihliux gaijbienq aen yiengh doek- laeng neix, Veiz Gozcingh giengz- diuh, youq gaem ndei gunghyez goekdaej bang nungz doengzseiz, itdingh aeu hwnjheiq fazcanj ginghgunghyez caeuq soujgunghyez, yienghneix ndaej muenxcuk gij gwndaenj lwgminz, demgya deihfueng ngaenzcienz souhaeuj.

Gvaq bi 1969 le, gij bumwnz cawjguenj gunghyez swcigih caeuq gak digih、si、yienh haenx cugbouh ndaej dauqfuk genci, gij ganbu soujgunghyez nyuenz miz haenx caemh ndaej lienzdaemh gvidoih. Swcigih lij laebbaenz le ngoenzyungh caeuq aen bangunghsiz lingjdauj siujcuj, youz swcigih gwzveijvei swnghcanj cijveijcuj bouxdaeuz Cinz Gaihlu nyaemh cujcangj, mizgven bumwnz bouxdaeuz nyaemh fucuj- cangj, ranzbanhgoeng dingh youq ginghgunghyezgiz, youz bouxdaeuz ginghgunghgiz Cau Bingjyenz giem dang bangunghsiz cujyin. Veiz Gozcingh caeuq Anh Bingzswngh daengj goengdaeuz swcigih gwzveijvei doxyaeng, binaengz youz deihfueng caizcwng buet hawj ngaenzcienmonz caeuq gangcaiz daengj caizliuh gaenj aeu haenx, bae fuzrex gij hong cauxguh doxgaiq ngoenzyungh vunz- lai caeuq huq iq hawciengz noix miz haenx.

Bi 1971 gonqlaeng, song lwg da Veiz Gozcingh gonqlaeng baenz damueg, song aen da aen naek aen mbaeu, mwh da de mbouj ndaej yungh daeuj yawj vwnzgen、sawbauq seiz, de cix heuh gunghcoz yinzyenz doeg hawj de dingq, haihoih dingq baugau geiqloeg mbouj ndaej, cix baengh rwz dingq uk geiq. Couh Wnhlaiz cungjlij geij baez cijsi heuh de bae Baekging、Sanghaij roxnaeuz Gvangjcouh guh soujsuz, de cungj mbouj nyienh lizhai gangvih, cungjlij cijndei baij gij conhgayh binghda Baekging、Sanghaij daeuj Namzningz duenqyw. Mwh da baenzbingh, de lij ciuqyiengh genhciz guhhong, saek- seiz de gangjriu naeuz, song lwgda gya hwnjdaeuj cij miz buenq aen lwgda, cienz baengh buenq aen lwgda neix luenh cijveih lo.

(caengz sat)