Miz boux vunz ndeu hozhaenz bouxwnq miz max gwih, de roxnyinh gwih max gig sangj, hoeng aeu din byaij roen caen mazfanz, youh mbouj miz gijmaz eiqsei, de gig muengh swhgeij miz duz max he. Bouxwnq lwnh de nyi, yaek siengj aeu miz duz max ndeu, couh aeu song cik din mwngz bae vuenh. Boux vunz neix dingq le, gijmaz cungj mbouj siengj, couh doq yienh’ok song cik din swhgeij, yienghneix de vuenh ndaej duz max he lo. Boux vunz neix ndaej gwih max gig simhai, duz max buetleplep hawj de gamjdaengz lumj youq ndaw moengh rox mbin nei, hoeng de menhmenh gamjdaengz vunz mbouj ndaej itcig gwih youq gwnzlaeng max, daengz de roengz max seiz, cij roxnyinh ngoenzlaeng swnghhoz gig gannanz. Mbouj miz duzmax cijdwg miz di ienqlaeng iq ndeu, hoeng, mbouj miz din cix dwg baenzciuh sinhoj lo……