Guhfap dwg: Aeu hohngaeux、ragngox gak faenh ndeu, itheij cab soiq, baek vanj raemx ndeu baez dog gwn liux, ngoenz 2 baez, laebdaeb gwn 5 ngoenz.

Cunghyih nyinhnaeuz, seizcou mbwn hawqsauj, ndang vunz sied raemx lai. Boux ndang yaem haw aenvih geiqciet bienqvuenh seiz sied raemx yinxhwnj yaem haw huj hoengh, hujndat cung hwnj conghndaeng le cauhbaenz conghndaeng ok lwed. Caz hohngaeux ragngox doiq yw ndaeng ok lwed、rueg lwed、ae ok lwed、nyouh lwed、haex lwed caeuq mehmbwk raemxsaeg lai cungj miz haemq ndei yaugoj.

Linghvaih, ragngox feih diemz singq caep, ndaej siu ndat seng raemx, cawz nyapnyuk dingz rueg, ciengz yungh daeuj yw bwt ndat baenzae、dungx ndat rueg ok daengj bingh, yaugoj cibfaen ndei. Boux seizcou ndaeng yungzheih ok lwed haenx, gwn cungj caz neix ceiq ndei lo.

Hohngaeux ndip daem yungz nap aeu raemx roxnaeuz dawz de dak sauj ngenz aeu mwnh, dingz lwed yaugoj haemq ndei. Danghnaeuz baek raemx gwn yaugoj mbouj daih ndei, ndaej youq mwh gwn raemx ragngox doengzseiz, caeuq raemx hohngaeux itheij heuz gwn, caemhcaiq ndik 3 ndik roengz conghndaeng bae dem.