10 nyied 28 daengz 29 hauh, Baez Daihcibroek Aenhoih Yozsuz Yenzdauj Fanhoiz Vah Saw Minzcuz Daengx Guek youz Cungguek Vah Saw Minzcuz Fanhoizgiz、 Cungguek Fanhoiz Hezvei Vah Saw Minzcuz Fanhoiz Veijyenzvei cawjbanh, Sinhgyangh Veizvuzwj Swcigih Minzyijveij ciepbanh neix youq Sinhgyangh Vuhlujmuzciz hai. Miz Baekging、 Sinhgyangh、 Sihcang、 Neimungzguj、 Yinznanz、 Guengjsae daengj 14 aen sengj、 si、 swcigih caeuq swcicouh 20 lai aen minzcuz、 19 cungj vah daiqbiuj caeuq mizgven lauxhangz camgya hai hoih.

Cungguek Vah Saw Minzcuz Fanhoizgiz gizcangj、 cungjhoizsaemj、Cungguek Fanhoiz Hezvei Vah Saw Minzcuz Fanhoiz Veijyenzvei cujyin Ahlizmuzsahbijdiz, Guekgya Minzveij Gyauyuz Gohgiswh fuswhcangj Couh Siujmeiz, Cungguek Fanhoiz Hezvei cangzvu fuveicangj Cangh Sibinh caeuq Sinhgyangh Veizvuzwj Swcigih Yinzminz Cwngfuj fucujsiz Gizmuzlah·Yihsahmuzdingh camgya gaihmusi vanzlij faenbied gangjvah.

Baez hoih neix gungh sou ndaej lunvwnz 112 bien, neiyungz baugvat vah saw minzcuz fanhoiz lijlun yenzgiu, fanhoizsij, swz moq fanhoiz、 dungjyiz caeuq gveihfan, gvangjbo、 yingjsi、 sinhvwnz okbanj caeuq meizdij moq vah saw minzcuz fanhoiz hwngfat yiengh seizneix daengj. Aen hoih neix yungh gij hingzsik cawjdaez baugau caeuq faen cuj daujlun guh yenzdauj. Sinhgyangh Veizvuzwj Swcigih Minzyijveij conhciz fugizcangj Dezlaizgwz·Yihbulahyinh caeuq Yinznanz Minzcuz Cuzbanjse bien- saemj Cangh Haijyingh song boux lauxhangz faenbied youq seiz hai hoih guh le cawjdaez yozsuz baugau. Gak siujcuj hopheux guek raeuz vah saw minzcuz cwngcwz、 fanhoiz lijlun caeuq saedhengz、 vah saw minzcuz fanhoiz cingzgvang caeuq hwngfat、 seizneix guh hong fanhoiz bungz- daengz seizgei caeuq diuhcan daengj vwndiz guh yenzdauj doxgyau.

(Yauz Wnhmingz/姚恩明)