10 nyied 24 hauh banhaet, Yizcouh Si banh gaiq daihroek Liuz Samcej ciet vwnzva lijyouz minzsuz cunzyouz daihlienzvuen, yinx ndaej haujlai hekyouz daeuj yawj, yienh’ok aen si neix minzsuz fungcingz lai cungj lai yiengh.

Banhaet 9 diemj cung, minzsuz cunzyouz daihlienzvuen hozdung youq Siminz Vwnzva Gunghyenz cingqsik hainduj, duivuj daj Siminz Vwnzva Gunghyenz haidin, riengz dwk hawsingz diuz gai cujyau cunzyouz, lungzfiengz、 caijdiu、 Liuz Samcej doiqfwen caeuq Bouxcuengh ciepyah soengqyah daengj minzsuz biujyienj hainduj yienj, biujyienj cezmuz lai cungj lai yiengj hawj siminz daengxyouq yawj dwk da cungj mbouj yaep, mboujduenh bekfwngz haenh ndei.

Ciuq cam rox, camgya baez cunzyouz biujyienj neix gungh miz 38 aen doihvunz, baez hozdung neix cungfaen yienh’ok aen si neix conzdungj vwnzva maenhndei, fungfouq le gij neiyungz gaiq daihroek Liuz Samcej ciet vwnzva lijyouz, caenh’itbouh swnjcienz conzdungj minzsuz vwnzva maenhndei.(Cenz Cwngz/钱 程)