10 nyied 29 hauh, Cungguekhingz·simndei 100 daihhingz goeng’ik banghag yienjciengq- hoih youq Liujcouh Si Liujcouh Gyahgi Gvangjcangz banh, gyoengq mingzsingh daj Singhgvangh Dadau daeuj haenx guh simndei yiyenj hozdung, doenggvaq simndei yiyenj, iuheuh daengx ndawbiengz gvansim lwgnyez louz mbanj caeuq gyoengqvunz nyiegseiq, gvansim hagdangz caeuq hagseng gungzhoj diegbya, soengq ok faenh simndei he, gij cienz cienzbouh aeu bae gaijndei giekdaej sezsih caeuq hagsib diuzgienh hagdangz caeuq hagseng gungzhoj dieggyae diegbya, bangcoengh lwgnyez gungzhoj diegbya vaiqdi byaij liz diegbya. Dangngoenz daih’it bit 9188 maenz ngaenz aeu hawj Yungzanh Yen Daboh Yangh Fuzsang Cunh Sanhsoj Siujyoz.

(Danz Gaijhingh/谭凯兴 Cinz Ginghoz/覃庆和)