●Gaenh geij bi neix daeuj, Lozcwngz Mulaujcu Swciyen baengh dangdieg dienheiq caeuq diegnamh ndei, gaenxmaenx gujli sonyinx vunzlai diegbya hwngfat dajndaem maklozhan、 makit、makdauz daengj, byaij ok diuz loh lajmbanj swnghdai bangcoengh baenzfouq dinj bingz vaiq he, ndaej daengz vunzlai haengjgyaez.

(Liu Gvanghfuz)

●Mboengqneix, Namz- ningz Si gyoengq vunz simndei he, bae Duh’anh Yauzcuz Swciyen Baujanh Yangh Cauyez Siujyoz soengq denz、 haiz mad daengj doxgaiq seizdoeng yungh haenx hawj hagseng gungzhoj, hawj gyoengq hagseng gungzhoj haenx gvaq seizdoeng mbouj caiq deng nit.

(Couh Sinh)

●10 nyied 25 hauh, Denhdwngj Yen Yangduh Cin banh cietsuenggyangq hozdung moix bi gvaq baez haenx, miz fwen ciep hek、 gouzfuk dadenj、minzcuz mizyinx doxdax yindung daengj, yinx ndaej baenz fanh vunz ndaw yienh rog yienh bae yawjngonz youzcet.

(Luz Linzhuj)

●Bi neix daeuj, Ningz- mingz Yen youq seiz hozdung hwnjguh lajmbanj gyaeundei, yawjnaek fatok daengx yienh 160 lai aen yangh、 cunh song gaep vwnzyi duivuj cozyung, yungh gij deihfueng vwnzyi cezmuz vunzlai haengj dingq gyaez yawj haenx, gyauyuz sonyinx gyoengq boux- guhnaz gaenxmaenx camgya “luzva ranzmbanj”“bienqseuq raemxgwn”“dajndongj roenloh” cienhangh hozdung, doengzcaez doicaenh swnghdai lajmbanj gensez.

(Couh Yizgangh)

●Mboengqneix daeuj, Yungzsuij Myauzcuz Swciyen 1300 lai boux dangjyenz ganbu gapbaenz aen cingcinj yawjrox gunghcozdui he, bae Mbanjdung Ranzyauz, doiq daengx yienh 20 aen yangh cin 198 aen cunh 1679 aen mbanj 3130 aen vunzmbanj siujcuj noengzhoh haiguh hong cingcinj yawjrox bingzguj, vih riengzlaeng cing- cinj bangcoengh dwk roengz giekdaej gaenjmaenh, vih gyavaiq vunzlai duetgungz baenzfouq guh ndei haidaeuz.

(Lungz Linzci)