Bonjbauq siusik (gicej Suh Gyahgvai) 10 nyied 12 hauh daengz 15 hauh, Daengx Guek Bauqceij Gizganh Cizlieng Guenjleix Beizyinbanh youq Baekging banh. 300 lai boux bauqceij gizganh bumwnz lingjdauj、bouxbien、gicej caeuq bouxdoiq daj daengx guek 31 aen sengjsi daeuj camgya beizyin. Guekgya Sinhvwnz Cuzbanj Gvangjden Cungjgiz Cuzbanj Canjbinj Cizlieng Genhduz Genjcwz Cunghsinh dangjcuj suhgi、fucujyin Sunh Baujlinz guh haiban dungyenz gangjvah, de caemhcaiq aeu 《Bauganh Cizlieng Guenjleix Dijhi Caeuq Cizlieng Genjcaz》guh daezmoeg daeuj lwnhgangj gij faplwd baengzgawq bauganh oksaw cizlieng gamduk genjcaz、cwngfuj cawjguenj bumwnz aeu hawj aen cizcwz guh cizlieng gamduk、fazveih gij cozyung cizlieng genjcaz gihgou, bangcoh guh ndei guh caezcienz cizlieng fazgveih, hengzguh bauganh cizlieng caeugenj miz yiyi hungraeuh daengj.

Sunh Baujlinz naeuz, daj seizneix hwnj, couh yenzgiu yaek dawz bauqceij、gizganh biendoiq cizlieng caeugenj nabhaeuj cungjgiz cizgenj cungsim bi 2016 “oksaw 315” gamduk genjcaz neiyungz ndawde bae. Danhfanz bonjsaw miz loengloek fanh faenh cih it、bauqceij miz loengloek fanh faenh cih sam、gizganh miz loengloek fanh faenh cih ngeih, cungj deng yawj guh mbouj habgek.

Gih raeuz miz 8 gya bauqceij gizganh 15 boux vunz camgya beizyin.