Mboengqneix, Lozyez Yen Sinhva Cin Cungsim Siujyoz banh “Lozyez Yen bi 2015 siujhagseng biucinj Vahcuengh biujyienj doxdax hozdung”, 30 boux siujhagseng daj daengx yienh 4 aen yangh(cin) 6 aen Cuengh Gun song saw vah hagdangz daeuj haenx camgya doxdax.

Youq seiz biujyienj hozdung, gyoengq siujhagseng daenj buhvaq Bouxcuengh saek rongh yiengh lai, gagsaenq simdingh, youq gwnz daiz yungh biucinj Vahcuengh guh biujyienj, gij singyaem lwgynez ndei dingq haenx hawj yienhciengz bouxyawj cungj roxnyinh heiqsik saedceij Mbanjcuengh naekna, cezmuz ndei yawj ndaej daengz bouxyawj bekfwngz.

Caizyi biujyienj daezhawj hagseng Bouxcuengh aen daizheiq yienh’ok bonjfaenh he, doengzseiz lij cazniemh le gij cwngzgoj sonhag Cuengh Gun song saw vah, coicaenh hong gyauyuz Cuengh Gun song saw vah hwngfat, mboujduenh gyagiengz doxgyau Cuengh Gun song saw vah youq seiz saedhengz swnghcanj saedceij, hawj de vwnzva neihanz engqgya fungfouq.

(Yenz Gozveij/颜国伟 Denz Minjcui/田敏翠)