Boux nungzminz ndeu daj ndaw raemxrongz gouq yah de hwnjdaeuj, hoeng lwg de deng mbaet dai lo.

Gvaqlaeng, gyoengqvunz gangj- nyaengnyaeng. Miz vunz naeuz de guh deng, aenvih lwg ndaej caiq aeu, hoeng yah mbouj naengz dai liux dauq lix. Miz vunz naeuz de guh loeng lo, aenvih yah ndaej aeu moq, hoeng lwg dai liux couh mbouj ndaej dauq lix.

Gou dingqnyi gyoengqvunz gangj, hix gamjdaengz ngeizvaeg: Dangh- naeuz ngamq ndaej gouq boux vunz ndeu, dauqdaej wnggai gouq yah roxnaeuz lwg?

Baenzneix gou couh bae cimh boux nungzminz neix, cam de seizhaenx de baenzlawz siengj.

Da dap naeuz:“Gou gijmaz hix mbouj siengj. Raemxrongz daeuj mwhde, yah youq henz ndang gou, gou rag dawz de couh youz bae coh henz bo. Daengz gou dauqma seiz, lwg gou gaenq deng raemxrongz cung bae lo.”

Youq gwnz roen dauqma, gou naemjngeix gawq vah bouxnungzminz, doiq swhgeij naeuz: Danghnaeuz seizhaenx boux nungzminz neix miz di naemnaiq, gojnwngz bouxlawz hix gouq mbouj ndaej; seiqvunz aeu senj yaek baenzlawz guh, mbouj siuj vunz couhdwg yienghneix naemj yiengh- neix bae hengz!