Mboengqneix, Guengjsae bouh daih’it ciengqgo denyingj、 Cingsih Yen go gagsij bonjdieg 《Aendomq Dahnuengx》 youq yanghsi ciengqgo binzdau cuengqok. Cuengqok le, yinx ndaej haujlai vangjyouj soudingq、 cienjcai, vih fatyiengz Bouxcuengh conzdungj vwnzva、demgya Cingsih okmingz caeuq yingjyangjliz guh senhconz.

Hot go neix yungh yaemdiuh fwen Sanggya guh sucaiz bujgo, hotgo fanfoek giengzdiuh aendomq baenz mbaet baenz mbaet cim nyib、 baenz diuz baenz diuz mae seuj, doenggvaq lumj dahsau Mbanjcuengh naj launyaenq nei, yungh gij soujfap siengj haenh gaemh gonq, aeu Mbanjcuengh doxgaiq dingh- cingz—— aendomq sij okdaeuj.

Ciuq cam rox, yanghsi ciengqgo binzdau《Minzgoh·Cungguek》 lanz- moeg dwg Cungguek dandog dang yienh’ok Cungguek yenzswnghdai minzgoh yisuz cezmuz he, vih yienh’ok Cungguek minzgoh daez- hawj le aen seizndei caeuq bingzdaiz gvangqlangh he. Geiz neix cuengqok 10 hot minzgoh, ndawde Guengjsae cij miz 《Aendomq Dahnuengx》 ndaej senj haeuj.

(Vangz Meijli/黄美丽)