●10 nyied 23 hauh, bi 2015 Cauhbingz Yen “ndwencib goh- buj daihhengzdoengh” hainduj yizsi nem “gohbuj haeuj hag- dangz” hozdung youq Cauhbingz Yen Daihhaj Cunghyoz cingqsik haimuq. Daihhagseng Hocouh Yozyen caeuq gvendaengz bumwnz doenggvaq baijok doxgaiq gohbuj、 fat swhliu senhconz daengj, yiengq gyoengq lauxsae hagseng senhconz cienzson gohyoz cihsiz.

(Liuz Feih)

●10 nyied 23 hauh, Yungzanh Yen Daboh Yangh Gangjveij Cunh Mbanjswyangh banh ciet vwnzva gaeqdoj, doenggvaq gaeqdoj senj lengj、 gaeb gaeq doxdax、 ngaizgaeqbak daengj hozdung, cienzmienh yienh’ok cwngzgoj dangdieg youq ndaw ndoengfaex ciengx gaeq, daezsang gij mingzdaeuz gaeqdoj, bangcoengh bouxguhnaz gya- gvangq hawciengz gai gaeqdoj.

(Danz Gaijhingh)

●Gaenh geij bi neix daeuj, Denhdwngj Yen Cingez Cin dangjveij cwngfuj ciuq dieg bae guh, sonyinx vunzlai hwngfat dajndaem duhndaem, seizneix Mbanjdenhnanz、 Mbanjmungj- yangj、 Mbanjbinjli、 Mbanjveizli hwngfat dajndaem duhndaem 3000 moux, ndawde ndaem baenz benq 2000 moux, duhndaem canjlieng daihgaiq 30 fanh goenggaen, canjciz 330 lai fanh maenz, fanh lai vunz souh’ik.

(Vangz Lilanz)

●10 nyied 20 hauh, Lungz- swng Gak Cuz Swciyen Seiswz Yozvei banh “vuenyungz gouj nyied gouj” ngonsei boihsei hozdung, daengx yienh miz 200 lai boux gyaez seiswz daj 10 aen yanghcin daeuj de yungh sei gyauyoux, doxcomz youq giz haenx, hoh aen ciet gouj nyied gouj neix.

(Banh Cisiengz)

●Gaenh song bi neix daeuj, baengh Laizbinh Si Minz- cunghveij gvensim nem haeuj- coengh, Ginhsiu Yauzcuz Swciyen guh hong minzcuz mouyi nem canjbinj ndaej gaijbienq gig lai, hongsaeh bienq ndei lo. Bi’gvaq miz song aen minzcuz mouyi giyez ndaej boujdiep leihsik daigvanj 234.58 fanh maenz.

（Veiz Yinbinh Ou Minjli）