Caeux cat fwngz. Haet- caeux hwnqmbonq le, ndang vunz gak aen gi’gvanh ginggvaq yiet- naiq hwnz ndeu le, couh yaek hainduj guhhong moq lo, riengz- dwk aenndang hozdung lai, simlwd diuq engq vaiq, ndigah, haetcaeux aeu haeujsim diuz- ciengx simdaeuz caeuq aenbwt. Ndaej cat angjfwngz roxnaeuz naenx lwgfwngz, doenggvaq gig angjfwngz caeuq giz lauzgungh, hawj simdaeuz fatangq, caemh- caiq demgiengz diemheiq hidungj goengnaengz daeuj baujgen aen- ndang. Cat angjsim seiz, song fajfwngz doxhab hwnjdaeuj baedauq nucat, caenhliengh nacat daengz angjfwngz. Lingh- vaih, haetcaeux nunaenx song fwngz lwgfwngz, hix ndaej daez saenz singj uk.

Banngaiz dak laeng. Seiz- doeng gyanghaet 11 diemj daengz banngaiz 1 diemj cung duenh seizgan neix, mbwn’gvengq ndit ndei, ciengzseiz okbae dak aenlaeng, ndaej bouj heiqyiengz.

Gyanghaemh cimq din. Guhhong baenzngoenz le, ndang haemq naetnaiq, daegbied dwg aen’daep caeuq aenmak cungj siengj vaiq di ndaej yietnaiq roxnaeuz diuzciengx, ndigah, ceiq ndei diuzciengx fuengfap couh- dwg cimq din. Mwh cimq din, gij ndat ndaw raemx ndaej doenggvaq angjdin haeuj daengz daengx ndang gak giz bae, hawj saimak saibwt cungj ndaej ciengxhoh. Cimq din ndei yaek haeujninz seiz, ndaej yungh song angjfwngz doxlwnz naenxcat song angjdin, moix baez naenxcat ciblai baez.