Gaenh geij bi neix daeuj, Denzyangz Yen gig yawjnaek baujhoh caeuq fatyiengz vwnzva conzdungj maenhndei, yungh lai cungj fuengsik baujhoh ndawbiengz vwnzva, mboujduenh doicaenh baujhoh caeuq swnjcienz feihvuzciz vwnzva yizcanj, hawj mbangj vwnzva minzcuz ndaej baujhoh caeuq vatcimh.

Denzyangz feihvuzciz vwnzva yizcanj swhyenz gig fungfouq, baugvat ndawbiengz vwnzyoz、ndawbiengz citheiq、ndawbiengz diuqfoux、 minzsuz、conzdungj dijyuz、conzdungj gijdaenj daengj. Gaenh geij bi neix daeuj, aen yienh neix giendingh gij fuengcim “cujyau guh baujhoh, ciengjgouq daih’it, hableix leihyungh, swnjcienz hwngfat”, gaenxmaenx haiguh hong feihvuzciz vwnzva yizcanj bujcaz, hong vatcimh baujhoh feihvuzciz vwnzva yizcanj aeu ndaej gig ndei cingzcik.

Vihliux engqgya ndei baujhoh swnjcienz Denzyangz feihyiz vwnzva, aen yienh neix cienmonz laebbaenz aen Feihvuzciz Vwnzva Yizcanj Baujhoh Cungsim he, doengzseiz haiguh lwgnyez eufwenban、 lwgnyez saeceijban daengj baujhoh hozdung, hawj gij vwnzva neix ndaej swnjcienz fatyiengz.

(Luz Cuilinz/陆翠琳 Banh Suhdingz/潘淑婷)