10 nyied 1 hauh banhaemh, Ginhsiu Yauzcuz Swciyen Ginhsiu Cin Mbanjliuzcunh nauhyied dangqmaz, ngaizdaizraez、 minzsuz biujyienj daengj hawj hekyouz daj gak dieg daeuj haenx daejniemh baez Mbanjyauz funghcingz mbouj doxdoengz he, cawz foux leij coux hek、foux daemhaeux daengj yenzswnghdai diuqfoux, gyoengq hekyouz lij ndaej yawj bin laebakcax、lohdin caij danqndongq、 caij bakcae ndongq daengj dinfwngz ak Yauzcuz biujyienj, gamjsouh duenz bawxmoq、 aemq bawxmoq、 diuq fouxsaux daengj Yauzcuz funghcingz naekna he.

Ciuq cam rox, aen yienh neix baengh seizndei aen hozdung laebbaenz Gvangjsih aen yienh daegsaek lijyouz mizmingz neix, cugbouh guhbaenz Mbanjgujcan、 Mbanjroekduenh、 Mbanjmung daengj Yauzcai swnghdai minzsuz vwnzva lijyouz funghcingz.

(Cinz Haijyen/秦海燕)