10 nyied 1 hauh, gaiq daih’it baeuqroxdoh ngaiz- gairaez aeu “angqhoh fungsou·angqhoh guekgingq” guh cawjdaez haenx youq Denzyangz Yen Denzcouh Gujcwngz gawjbanh, hainduj hoengh guh aen hozdung bineix ciet fungsou conzdungj Bouxcuengh.

Mbanjcuengh miz gij fungsug conzdungj gvaq ciet fungsou, binaengz sou haeux haeuj cang le, aen cin neix vunzlai Bouxcuengh gak bengih faenbied dingh gvaq ciet fungsou seizgan, gaj gaeq gaj bit guh ceiz, iucingj caencik baengzyoux doengzcaez angqhoh fungsou, roxnaeuz daengx mbanj saimbwk lauxnyez itheij comz youq gyang mbanj dieg gvangqlangh angqhoh bimoq engqgya fungsou. Youq seiz ciet fungsou, gak bengih yungzhaeuj gak cungj gak yiengh hozdung, demgya heiqfaenh ngoenzciet caeuq yienh’ok daegsaek ngoenzciet, miz fouxlungz fouxsaeceij、 doiqfwen、 yienjheiq daengj yienh’ok ndawbiengz condungj vwnzva.

Bineix gaiq daih’it baeuqroxdoh ngaizgairaez gungh baij daizlaeuj bak daiz, moix daiz cujyau miz Mbanjcuengh haeuxnaengj haj saek、bitgangq、 nohgouyuz daengj byaek daegsaek dangdieg, cien lai boux betfueng hekyouz camgya hoihlaeuj, daihgya doq gwn gijgwn ndei、 laeuj ndei Mbanjcuengh, doq yawjngonz minzsuz Bouxcuengh biujyienj, doengzcaez angqhoh Mbanjcuengh daengx bi fungsou, hohfuk guekcoj ngoenz maenh’ak gvaq ngoenz.(Vangz Gozsun/黄国顺)