Duzmoed raih daengz byai mbawfaex seiz, fwt bongj daeuj raq rumz ndeu, mbawfaex bibuengq haenq, caiqlij baenq bae baenq dauq, duz de got maenh mbawfaex, doenghfwenfwen yaek doek roengzdaeuj, hoeng, doeklaeng hix mbouj raen doek roengzdaeuj. Aen cingzgingj neix ciengzseiz yaenq youq ndaw da gou.

Gou hix dwg duz moed he, raih youq ndaw ndoeng ganghginh caeuq suiujniz, hix bungz daengz rumzhaenq caeuq fwnraq gvaq, moix daengz seizde couh gamj- daengz gig rengznaiq caemhcaiq mbouj miz byawz daeuj bang, gamjdaengz swhgeij iqet, cingz- gvang doxdoengz, duzmoed siengj maz, gou mbouj rox, hoeng, gou cijndaej yo youq ndawsim swhgeij, gag rub baksieng swhgeij.

Gyanghaemh, ndang gou gig naet, uk gou cix boq ok aen cingzgingj miz roeg ciuz caemh- caiq miz va hai homfwdfwd, roxnaeuz naehang fung fanh leix, caiqlij mizmbangj cingzgingj hawj gou lau dwk ndiusingj.

Gou mbouj couhdwg duz moed youq ndaw rumz haenx ma?