●10 nyied 10 hauh, Lungzswng Gak Cuz Swciyen Byauzlij Cin ciep daeuj “ciet ngaizbya” moix bi gvaq baez haenx, geij bak boux vunzmbanj caeuq bouxhek yienhciengz ciemmingz cangyi baujhoh duz- bya, vanzlij gawjbanh yienghcoj gaebbya、 ruzlungz loengh raemx caeuq gwn ngaizbya daengj angqhoh fungsou hozdung, yinx ndaej haujlai hekyouz daeuj daejniemh yawjngonz.

(Vuz Swnghbinh)

●Gaenh geij bi neix daeuj, Lingzyinz Yen Dangjveij、 Cwng- fuj ciuq dieg bae guh, haenqrengz gujli vunzlai lajmbanj, doenggvaq cwngfuj bangcoengh daengj banhfap, hwngfat daegsaek daj- ciengx, vanzlij yinx aeu mou ndei diegrog ma ciengx, dangqnaj daengx yienh miz 30 lai hoh ciennieb ciengx mou, haujlai nungzhoh baengh ciengx mou baenzfouq.

(Siuh Fazlingz)

●9 nyied 30 hauh ban- haemh, Cauhbingz Yen youq yienhsingz vwnzva gvangjcangz gawjbanh cawjdaez dwg angqhoh guekgingq vwnzyi vanjvei. Gij cezmuz yienj heiq、 caijdiu、 diuqfoux daengj heiqsik lajmbanj naekna ndei yawj, yinx ndaej haujlai vunz daeuj yawj.

(Liuz Feih)

●Dangqnaj, Ningzmingz Yen Swlang Yangh gaenq laeb- baenz 6 aen nungzminz conhyez hozcozse, baugvat dajndaem gosahyinz、dajndaem makfeiz、dajciengx duzrwi、dajciengx yiengzbya、dajciengx mouduenh、lajfaex dajciengx dajndaem daengj, buenq bi laeng youh laeb dajciengx duzcwz、swnghdai lijyouz hozcozse, aeu neix daeuj daiqlingx vunzlai henzguek lai vaiq baenzfouq.

(Couh Yizgangh)

●Bineix, Liujcwngz Yen gyarengz gaijguh denvangj laj- mbanj, gungh guh hanghmoeg 128 hangh, gungh roengzngaenz 15345 fanh maenz, soqlaiz dwg baez neix roengzcienz ceiq lai. Dangqnaj, Liujcwngz Gungden Gunghswh cingq ciuq yanghcin faencek hanghmoeg, caemhcaiq ciuq dajsuenq bae guh.

(Dwng Gwzyi)